Lehen Taldea 05 ira. 2026

Salgai Rayo Vallecanoren aurkako partidarako sarrerak

Publiko orokorrarentzako salmenta ostiralean irekiko da

Astelehen honetan, irailak 7, C. A. Osasuna eta Rayo Vallecano taldeen arteko partidarako sarreren salmenta ireki da. Partida irailaren 19an jokatuko da, 14:00etan, Sadarren. Irailaren 10era arte, osteguna, 23:59an, salmenta lehentasunezkoa da bazkideentzat eta 'Gorritxoa Naiz' txartelaren titularrentzat. Sarreren salmenta webgunearen bidez bakarrik egiten da.

Irailaren 11tik, ostirala, 9:30etatik, partida hasi arte, salmenta publiko orokorrarentzat egokituta dago.

Abonuen lagapena irailaren 14ko 9:30ean irekiko da eta norgehiagoka hasi baino ordubete lehenago arte egongo da zabalik. Bazkideren batek ezin badu topaketara joan, webguneko Bazkidearen Arloaren bidez, bere eserlekua laga dezake, eta salduz gero, salmenta-prezioaren %50 lortzen du sari gisa txartel helduen kasuan, eta %30 gainerako kategorien kasuan. Sari horiek hurrengo denboraldia berritzeko deskontu gisa metatuko dira (gehienez ere hurrengo denboraldiko txartelaren prezioaren % 80ra arte). Abonuen lagapena partida bakoitza baino ordubete lehenagora arte egongo da zabalik. Une horretatik aurrera ezin izango da idazpenik laga, ezta berreskuratu ere.

Hobaridun kategorietako txartelak (guztiak, Helduen kategoriakoak izan ezik) 20 euroan bihur daitezke klubeko bulegoetan, sektore guztietan, Lehentasunezko Harmailetako Palkoan izan ezik, 35 euroko prezioa baitute.

gorritxoa naiz deskontu kupoiak

Partidu honetarako sarrera erosteko 15 euroko deskontu-kupoia erabili nahi duten "Gorritxoa Naiz" karnetako kideek online erosketa-prozesuaren bidez egin ahal izango dute. Partida eta eserlekua aukeratu ondoren, plataformak deskontu-kode bat sartzeko aukera emango du erosketa baieztatu aurretik. Sartu ondoren, "balidatu" sakatu beharko da, sistemak kodea erka dezan. Prozesu hori egin ondoren, azken prezioa automatikoki murriztuko da. "Gorritxoa Naiz"-ko kide bakoitzari bi deskontu-kode bidali zaizkio dagoeneko. Kode horiek 2026/27 denboraldian gozatu ahal izango dituzte, eta jaso duten ongietorri-gutunaren goiburuan kontsulta daitezke.

Azken albisteak Guztia ikusi